ក្នុងសេចក្ដីជូនដំណឹងចុះផ្សាយនៅថ្ងៃនេះ ក្រសួងសុខាភិបាលលើកឡើងថាជំងឺដែលជួបប្រទះក្នុងអំឡុងពេលនេះគឺផ្ដាសាយ រលាកផ្លូវដង្ហើម និងអាល់លែហ្ស៊ី ដែលមានរោគសសញ្ញាដូចជាហៀរសំបោរ រលាកបំពង់ក ឬច្រមុះ ក្អក រលាកក្រពះពោះវៀន ជំងឺហឺត ជំងឺថបអារម្មណ៍ ស្ត្រេស រមាស់ស្បែក និងជំងឺគាំងបេះដូងជាដើម។
វិធានការសម្រាប់ដោះស្រាយបញ្ហានេះប្រជាពលរដ្ឋត្រូវយកចិត្តទុកដាក់ជាពិសេសដល់កុមារ និងមនុស្សចាស់ ដោយត្រូវស្លៀកពាក់ ខោអាវក្រាសៗ រុំកឲ្យជិត ពាក់មួក ស្រោមដៃ និងពិសាទឹកឲ្យបានច្រើនដើម្បីការពារកុំឲ្យធាតុត្រជាក់ប៉ះខ្លួនដោយចំហរ ធ្វើយ៉ាងណារក្សាកម្ដៅក្នុងខ្លួន។
បើមានករណីសង្ស័យពីរោគសញ្ញាណាមួយត្រូវស្វែងរកសេវាព្យាបាលនៅមណ្ឌលសុខភាព ឬមន្ទីរពេទ្យនៅ ជិតបំផុត៕